Галоўная

Падаткаабкладанне фізічных асоб

Дэклараванне даходаў і маёмасці

Дзяржаўныя службовыя асобы, якія займаюць адказныя пасады, і асобы, якія паступілі на дзяржаўную службу шляхам выбрання

Маёмасць, якая падлягае штогадоваму дэклараванню

Маёмасць, якая знаходзіцца ва ўласнасці на дату прадстаўлення дэкларацыі

Дэклараванне даходаў і маёмасці

Дэклараванне даходаў і маёмасці фізічнымі асобамі па патрабаванні падатковага органа

Дэклараванне даходаў і маёмасці дзяржаўнымі службоўцамі і іншымі абавязанымі асобамі

Асобы, якія займаюць пасады, уключаныя ў кадравы рэестр Кіраўніка дзяржавы Рэспублікі Беларусь

Асаблівасці дэкларавання даходаў і маёмасці дзяржаўнымі службовымі асобамі, якія займаюць адказныя пасады, і асобамі, якія паступілі на дзяржаўную службу шляхам выбрання

Маёмасць, якая падлягае штогадоваму дэклараванню

Маёмасць, якая знаходзіцца ва ўласнасці на дату прадстаўлення дэкларацыі

Маёмасць, якая знаходзілася на працягу 2016 года ў фактычным валоданні, карыстанні 183 і больш дзён

Звесткі (тлумачэнні) аб крыніцах і памерах даходаў

Прыклад запаўнення дэкларацыі аб даходах і маёмасці

Падаткаабкладанне ІП

Падаткаабкладанне фізічных асоб

Агульныя пытанні падаткаабкладання

Падаткаабкладанне арганізацый

Маёмасць, якая знаходзіцца ва ўласнасці на дату прадстаўлення дэкларацыі

Пры запаўненні дэкларацыі аб даходах і маёмасці ў раздзеле II «Звесткі аб маёмасці» ўказваецца маёмасць, якая ЗНАХОДЗІЦЦА ВА ЎЛАСНАСЦІ абавязанай асобы НА ДАТУ ПРАДСТАЎЛЕННЯ дэкларацыі.

У пункце 1 «Капітальныя пабудовы (будынкі, збудаванні), ізаляваныя памяшканні, машына-месцы, зямельныя ўчасткі» ўказваюцца звесткі аб маёмасці, што знаходзіцца ва ўласнасці на дату прадстаўлення дэкларацыi:

аб жылых дамах (долях у праве ўласнасці);

аб кватэрах, пакоях (долях у праве ўласнасці);

аб гаражах (долях у праве ўласнасці);

аб машына-месцах (долях у праве ўласнасці);

аб дачах (долях у праве ўласнасці);

аб садовых доміках (долях у праве ўласнасці);

аб офісных або адміністрацыйных памяшканнях (долях у праве ўласнасці);

аб складскіх, вытворчых памяшканнях (долях у праве ўласнасці);

аб іншых капітальных пабудовах, ізаляваных памяшканнях (долях у праве ўласнасці);

аб зямельных участках (долях у праве ўласнасці).

У пункце 2 «Долі ва ўстаўных фондах (акцыі) гаспадарчых таварыстваў і суполак, паі ў маёмасцi вытворчых і спажывецкіх кааператываў, аб'екты, не завершаныя ў будаўніцтве, іх часткі, прадпрыемствы як маёмасныя комплексы, долі ў праве ўласнасці на ўказаную маёмасць» падаюцца звесткі аб маёмасці, што знаходзіцца ва ўласнасці:

у падпункце 2.1 – долі ва ўстаўных фондах (акцыі) гаспадарчых таварыстваў і суполак, паі ў маёмасцi вытворчых і спажывецкіх кааператываў незалежна ад іх кошту на дату прадстаўлення дэкларацыі аб даходах і маёмасці;

у падпункце 2.2 – аб'екты, не завершаныя ў будаўніцтве, іх часткі, долі ў праве ўласнасці на ўказаную маёмасць на суму, якая перавышае 15 000 базавых велічынь на дату прадстаўлення дэкларацыі аб даходах і маёмасці.

Для даведкі: пад аб'ектам, не завершаным у будаўніцтве, маецца на ўвазе капітальная пабудова (будынак, збудаванне) i iншая маёмасць, будаўнiцтва якiх дазволена ў адпаведнасці з актамі заканадаўства, але не завершана (будаўніцтва якіх працягваецца, прыпынена, спынена або закансервавана) або будаўніцтва якіх завершана, але гэтыя аб'екты не зарэгістраваныя ў парадку, устаноўленым актамі заканадаўства.

у падпункце 2.3 – прадпрыемствы як маёмасныя комплексы, долі ў праве ўласнасці на ўказаную маёмасць на суму, якая перавышае 15 000 базавых велічынь на дату прадстаўлення дэкларацыі аб даходах і маёмасці.

у падпункце 2.4 – паі ў маёмасцi спажывецкіх кааператываў, арганізаваных для будаўніцтва і эксплуатацыі жылых дамоў, кіравання імі, а таксама гаражных кааператываў і кааператываў, якія ажыццяўляюць эксплуатацыю аўтамабільных стаянак, пры ўмове ўнясення абавязанымі асобамі паявых узносаў на фінансаванне будаўніцтва, рэканструкцыю або набыццё аб'ектаў нерухомасці, незалежна ад іх кошту на дату прадстаўлення дэкларацыі аб даходах і маёмасці.

УВАГА! НЕ ЗАПАЎНЯЮЦЦА звесткі ў падпункце 2.4 у выпадку дзяржаўнай рэгістрацыі права ўласнасці на пабудаваны, рэканструяваны або набыты аб'ект нерухомасці.

Парадак вызначэння кошту вышэйуказанай маёмасці (звыш 15 000 базавых велічынь) з мэтай прыняцця рашэння аб неабходнасці яго дэкларавання можна паглядзець ТУТ

У пункце 3 «Транспартныя сродкі (за выключэннем мапедаў і прыроўненых да іх механічных транспартных сродкаў, веласіпедаў, гужавых транспартных сродкаў), самаходныя машыны, марскія судны, судны ўнутранага плавання і змешанага (рака - мора) плавання, паветраныя судны, долі ў праве ўласнасці на іх» указваюцца звесткі аб маёмасці, што знаходзіцца ва ўласнасці на дату прадстаўлення дэкларацыі:

легкавых аўтамабілях;

грузавых аўтамабілях;

аўтобусах і мікрааўтобусах;

матацыклах;

прычэпах;

самаходных машынах (гусенічны трактар, сельскагаспадарчая, дарожная, будаўнічая і іншыя машыны, якія не прызначаны для ўдзелу ў дарожным руху);

марскіх суднах (самаходны або несамаходны плывучы сродак, які выкарыстоўваецца ў мэтах гандлёвага мараплавання);

суднах унутранага плавання (судна, якое па сваіх тэхнічных характарыстыках прыдатнае і дапушчанае да эксплуатацыі па ўнутраных водных шляхах, за выключэннем маламернага судна);

суднах змешанага (рака - мора) плавання (судна, якое па сваіх тэхнічных характарыстыках прыдатнае і дапушчанае да эксплуатацыі па марскіх і ўнутраных водных шляхах, за выключэннем маламернага судна);

паветраных суднах (лятальны апарат, які падтрымліваецца ў атмасферы за кошт узаемадзеяння з паветрам, адрозным ад узаемадзеяння з паветрам, што адбіваецца ад паверхні зямлі або вады, i які падлягае дзяржаўнай рэгістрацыі ў выпадках, прадугледжаных заканадаўствам).

Звярніце ўвагу на наступную сітуацыю.

Дапусцім, у абавязанай асобы ў 2017 годзе не было аўтамабіля. Аўтамабіль быў набыты ёй ва ўласнасць толькі 10 студзеня 2018 года. Дэкларацыю аб даходах і маёмасці за 2017 год такая абавязаная асоба прадстаўляе 22 лютага 2018 года.

Нягледзячы на тое, што дэкларацыя прадстаўляецца за 2017 год, у ёй падлягаюць указанню звесткі аб маёмасці, што знаходзіцца ва ўласнасці на дату прадстаўлення дэкларацыi, г.зн. на 22 лютага 2018 года.

Такім чынам, набыты 10 студзеня 2018 года аўтамабіль падлягае ўказанню ў раздзеле II дэкларацыі аб даходах і маёмасці за 2017 год, якая прадстаўляецца 22 лютага 2018 года.

У пункце 4 «Творы мастацтва, каштоўныя металы і каштоўныя камяні*, вырабы з іх, кошт кожнага з якіх перавышае 1000 базавых велічынь або агульны кошт якіх перавышае 2000 базавых велічынь на дату прадстаўлення дэкларацыі аб даходах і маёмасці, а таксама долі ў праве ўласнасці на гэту маёмасць, калі іх кошт перавышае названыя межы» ўказваюцца звесткі аб маёмасці, што знаходзіцца ва ўласнасці:

творах мастацтва;

каштоўных металах (золата, срэбра, плацiна i металы плацiнавай групы (паладый, ірыдый, родый, рутэній, осмій));

каштоўных камянях (прыродныя алмазы, смарагды, рубіны, сапфіры, александрыты, прыродны жэмчуг, унікальныя бурштынавыя ўтварэнні);

вырабах з каштоўных металаў і (або) каштоўных камянёў.

Парадак вызначэння кошту вышэйуказанай мёмасці (звыш 1 000 або 2 000 базавых велічынь) з мэтай прыняцця рашэння аб неабходнасці яго дэкларавання можна паглядзець ТУТ

У пункце 5 «Будаўнічыя матэрыялы, агульны кошт якіх перавышае 2000 базавых велічынь на дату прадстаўлення дэкларацыі аб даходах і маёмасці, а таксама долі ў праве ўласнасці на гэтую маёмасць, калі іх кошт перавышае ўказаныя межы» падаюцца звесткі аб будаўнічых матэрыялах, што знаходзяцца ва ўласнасці, агульны кошт якіх перавышае 2 000 базавых велічынь на дату прадстаўлення дэкларацыi.

Парадак вызначэння кошту вышэйуказанай маёмасці (звыш 2 000 базавых велічынь) з мэтай прыняцця рашэння аб неабходнасці яго дэкларавання можна паглядзець ТУТ

У пункце 6 «Іншая маёмасць, кошт адзiнкi якой перавышае 2000 базавых велічынь на дату прадстаўлення дэкларацыі аб даходах і маёмасці, а таксама долі ў праве ўласнасці на дадзеную маёмасць, калі іх кошт перавышае названыя межы» ўказваюцца звесткі аб іншай маёмасці, якая належыць па праву ўласнасці, кошт адзінкі якой перавышае 2 000 базавых велічынь на дату прадстаўлення дэкларацыi.