Галоўная Падаткаабкладанне ІП Пастаноўка на ўлік

Пастаноўка на ўлік

Грамадзянін мае права займацца прадпрымальніцкай дзейнасцю без адукацыі юрыдычнай асобы з моманту дзяржаўнай рэгістрацыі ў якасці ІНДЫВІДУАЛЬНАГА ПРАДПРЫМАЛЬНІКА.

Дзяржаўная рэгістрацыя індывідуальнага прадпрымальніка ажыццяўляецца рэгіструючымі органамі ў парадку, прадугледжаным Палажэннем аб дзяржаўнай рэгістрацыі суб'ектаў гаспадарання, зацверджаным Дэкрэтам Прэзідэнта Рэспублікі Беларусь ад 16 студзеня 2009 г. № 1 «Аб дзяржаўнай рэгістрацыі і ліквідацыі (спыненні дзейнасці) суб'ектаў гаспадарання».

З парадкам дзяржаўнай рэгістрацыі ІНДЫВІДУАЛЬНАГА ПРАДПРЫМАЛЬНІКА можна пазнаёміцца ТУТ.

Пастаноўка на ўлік у падатковым органе індывідуальнага прадпрымальніка ажыццяўляецца АЎТАМАТЫЧНА пры яго дзяржаўнай рэгістрацыі ў якасці індывідуальнага прадпрымальніка, без яго ўдзелу.

Пастаноўка на улік індывідуальнага прадпрымальніка ажыццяўляецца падатковым органам па месцы жыхарства фізічнай асобы НА ПРАЦЯГУ ДВУХ РАБОЧЫХ ДЗЁН з дня атрымання падатковым органам інфармацыйнай карты ад рэгіструючага органа.

Пры пастаноўцы на ўлік у падатковым органе індывідуальнаму прадпрымальніку прысвойваецца адзіны па ўсіх падатках, зборах (пошлiнах) уліковы нумар плацельшчыка.

Дакументам, які пацвярджае пастаноўку індывідуальнага прадпрымальніка на ўлік у падатковым органе, з’яўляецца паведамленне аб прысваенні ўліковага нумара плацельшчыка,якое выдаецца толькі рэгіструючым органам.

Форму паведамлення аб прысваенні ўліковага нумара плацельшчыка можна паглядзець ТУТ.

Калі ў Вас змяніліся прозвішча / імя / імя па бацьку або месца жыхарства, Вы АБАВЯЗАНЫ Ў МЕСЯЧНЫ ТЭРМІН звярнуцца ў рэгіструючы орган для ўнясення адпаведных змен у пасведчанне аб дзяржаўнай рэгістрацыі індывідуальнага прадпрымальніка.

Непрадстаўленне ў рэгіструючы орган дакументаў, патрэбных для ўнясення змен і дапаўненняў у пасведчанне аб дзяржаўнай рэгістрацыі індывідуальнага прадпрымальніка, у выпадках і тэрміны, устаноўленыя заканадаўствам,цягне накладанне ШТРАФУ ў размеры ДА ДВАДЦАЦІ БАЗАВЫХ ВЕЛІЧЫНЬ (частка другая артыкула 23.64 Кодэкса аб адміністрацыйных правапарушэннях).

Калі пасля ўнясення змяненняў аб месцы жыхарства ўзнікае неабходнасць пастаноўкі індывідуальнага прадпрымальніка на ўлік у іншым падатковым органе, то падатковы орган па ранейшым месцы жыхарства АЎТАМАТЫЧНА (без удзелу індывідуальнага прадпрымальніка) ажыццяўляе яго зняцце з уліку на працягу двух працоўных дзён з дня атрымання падатковым органам звестак аб змене месца жыхарства плацельшчыка ад дзяржаўнага органа (пункт 12 артыкула 66 Падатковага кодэкса Рэспублікі Беларусь).

Нарматыўныя прававыя акты Рэспублікі Беларусь