Здача жылых і нежылых памяшканняў, машына-месцаў унаём (арэнду)
2
Пры здачы грамадзянамі жылых і нежылых памяшканняў, машына-месцаў унаём (арэнду) іншым грамадзянам неабходна зрабіць наступныя дзеянні:
1. заключыць у пісьмовай форме дагавор найму жылога памяшкання (арэнды нежылога памяшкання).
2. да ўстаноўленага ў дагаворы тэрміну фактычнага прадастаўлення памяшкання ўнаём (арэнду) зарэгістраваць дагавор у мясцовым выканаўчым i распарадчым органе або ў арганізацыі, якая ажыццяўляе эксплуатацыю жыллёвага фонду і (або) якая прадстаўляе жыллёва-камунальныя паслугі.
Працэдура рэгістрацыі дагавора найму бясплатная.
3. правесці выплату падаходнага падатку ў фіксаваных сумах.
Даходы, атрыманыя ад здачы жылых і нежылых памяшканняў, машына-месцаў, якія знаходзяцца на тэрыторыі Рэспублікі Беларусь, абкладаюцца падаходным падаткам у памерах, устаноўленых абласнымі і Мінскім гарадскім Саветамі дэпутатаў для той катэгорыі населенага пункта, на тэрыторыі якога знаходзяцца здаваемае памяшкання.
Стаўкі падатку за здачу ў наём жылых памяшканняў вызначаюцца за кожны пакой, які здаецца, у жылым памяшканні ў разліку за месяц.
Азнаёміцца з усталяванымі стаўкамі падатку можна
ТУТ
Выплаціць падаходны падатак можна адным з наступных спосабаў:
1 спосаб - за ўвесь каляндарны год або за перыяд дзеяння дагавора ў гэты годзе - не пазней за працоўны дзень, які ідзе за ўстаноўленым у дагаворы тэрмінам фактычнага прадастаўлення жылога і нежылога памяшкання, машына-месца ўнаём (арэнду).
Выплата падаходнага падатку за кожны наступны каляндарны год праводзіцца не пазней за 1- е чысло года, за які ажыццяўляецца выплата. Пры гэтым пры змяненні падатковых ставак на працягу года, за які выплачаны сумы падатку, такія сумы пераразліку не падлягаюць
2 спосаб - за адзін месяц не пазней за працоўны дзень, якi iдзе за ўстаноўленым у дагаворы тэрмінам прадастаўлення жылога і нежылога памяшкання, машына-месца ўнаём (арэнду), а ў далейшым - штомесяц не пазней за 1-е чысло месяца, за які ажыццяўляецца выплата.
У выпадку змены ў 2018 годзе памеру ставак падаходнага падатку ў фіксаваных сумах, грамадзяне, якія выплачваюць падатак штомесячна, павінны будуць аплаціць падатак па новых стаўках пачынаючы з 1-га чысла месяца, наступнага за месяцам, у якім адбыліся такія змены.
4. даплата падаходнага падатку.
Калі сума даходу атрыманага на працягу 2017 года,
перасягнула 5 555 рублёў, то грамадзяніну неабходна не пазней за 1 сакавіка 2018 года прадставіць у падатковы орган па месцы сваёй рэгістрацыі
падатковую дэкларацыю (разлік) па падаходным падатку і не пазней за 15 мая 2018 года правесці даплату падаходнага падатку (у дадзеным выпадку памер падаходнага падатку вылічаецца па стаўцы 13% ад агульнай сумы даходу, атрыманага ад здачы ўнаём (арэнду) памяшканняў, за вылікам выплачаных за 2017 год фiксаваных сум падаходнага падатку).
Больш падрабязную інфармацыю па пытанні здачы ў наём (арэнду) памяшканняў можна атрымаць у падатковым органе па месцы жыхарства.
Калі сума даходу атрыманага на працягу 2018 года, перавысіла 6116 рублёў, то грамадзяніну неабходна не пазней за 1 сакавіка 2019 года прадставіць у падатковы орган па месцы сваёй рэгістрацыі падатковую дэкларацыю (разлік) па падаходным падатку і не пазней за 15 мая 2019 года правесці даплату падаходнага падатку (у дадзеным выпадку памер падаходнага падатку вылічаецца па стаўцы 13% ад агульнай сумы даходу, атрыманага ад здачы ўнаём (арэнду) памяшканняў, за вылікам выплачаных за 2018 год фiксаваных сум падаходнага падатку)
Падаткаабкладанне фізічных асоб
Денежная единица - белорусский рубль (бел.руб./BYR)
Денежная единица - белорусский рубль (бел.руб./BYN)
